مریم اور حمزہ کی قیادت میں ن لیگ کا مہنگائی مارچ آج اسلام آباد کیلئے روانہ ہو گا

خدا کی بستی ذرائع : مسلم لیگ ن کا مہنگائی مُکاؤ مارچ آج لاہور سے اسلام آباد کے لیے روانہ ہوگا۔

مریم اور حمزہ کی قیادت میں ن لیگ کا مہنگائی مارچ آج اسلام آباد کیلئے روانہ ہو گا

مسلم لیگ ن کا مہنگائی مُکاؤ مارچ آج مریم نواز اور حمزہ شہباز کی قیادت میں لاہور سے اسلام آباد کے لیے روانہ ہوگا۔

مسلم لیگ ن نے مہنگائی مکاؤ مارچ کو حتمی شکل دے دی ہے اور منتخب ایم ایز اور ایم پی ایز پر مشتمل کمیٹیاں بنا دی گئی ہیں۔

مہنگائی مکاؤ مارچ کے لیے مسلم لیگ ن نے رکن قومی اسمبلی خواجہ سعد رفیق کو کمیٹی کا سربراہ بنایا ہے جبکہ خواجہ عمران نذیر، خواجہ سلمان رفیق اور رانا مشہود سمیت دیگر ایم پی ایز اپنے اپنے حلقے سے مسلم لیگ ن کے مرکزی دفتر 180 ایچ ماڈل ٹاؤن سے نکلنے والے مارچ میں شامل ہوں گے۔
مہنگائی مکاؤ مارچ کی قیادت مسلم لیگ ن کی رہنما مریم نواز اور حمزہ شہباز کریں گے۔

قصور اوکاڑہ سے آنے والی ریلیاں ماڈل ٹاؤن جبکہ شیخوپورہ اور دیگر نواحی اضلاع سے آنے والی ریلیاں شاہدرہ سے مہنگائی مارچ میں شامل ہوں گی۔

مہنگائی مکاؤ مارچ کا قافلہ گوجرانوالہ اور جہلم سے ہوتا ہوا 28 مارچ کو اسلام آباد پہنچے گا، لاہور سے اسلام آباد کے دوران قافلہ تقریباً 18 مقامات پر رکے گا۔

Leave a Reply

Your email address will not be published.